السلام عليكم
كيف الصبايا اليوم
ان شاء الله بالف صحة وخير
عندي وصفة جديدة لسة طازة
لتبييض الوجة والرقبة
ملعقه حليب بودره صغيره
ملعقه عسل صغيره
وعصير ليمون عاد تخلي الخلطه متماسكه شوي مش سائل كثير
وماء ورد
وطنجره فيها ماء على النار
طبعا تغسلي وجهك وطبعا تكون المي عم تغلي في الطنجره بس تغي ترفعيها وترفعي شعرك كمان
ونقربي من البخار وتكوني جهزتي الخلطه بس ما تضيفي ماء الورد
وبس يتبخر وجهك شوي تحطي الخلطه على الوش وتدلكي مساج يعني -- هي الوصفه رح تكون خشنه علشان الحليب الناشف فيها بس تحطيها على الوش رح تصير ملساء رح يذوب الحليب
وتعملي مساج للوجه والرقبه طبعا والبخار يكون موجود علشان الوصفه تدخل للمسامات في الوش
وبعدها تتركيها تنشف على وجهك يعني 10 الى ربع ساعه وتغسلي الوجه بماء دافي وبعدها تمسحيها بماء ورد
جربتها قبل كم يوم وبشرتي صارت نقيه
بشرتي من النوع المختلط وفاتحه بس مرات بلاقيها زي اللي جايه على اصفر ومرهقه
او مرات بلاقي بقع بنيه هاي الوصفه خلتهن يروحن
وهيك بتحسي البشره لونها زهري وفاتحه اكثر
اتمنى تستفيدو
موضوع: وصفة لتبييض الوجة والبشرة 
السبت سبتمبر 12, 2009 4:21 pm
